ميدان التحرير
حبايبي الحلوين ،
ميدان التحرير بيضم دلوقتي بلطجية مرتزقة ، ايرانيين ، عراقيين، حماسيين ، اسرائليين، امريكان، اخوان ، برادعية ، اجانب أشكالهم مش مصريين ، مرتشين.
لأ مش بس كدة دولة كمان كل واحد واخد ١٠٠ دولار ووجبة فيه إشاعات قالت انها علبة كشري التحرير من أم ٥ جنيه الفويل وناس قالو دنر بوكس من كنتاكي
بس الحق يتقال كان فيه شباب مصري "نقي وبريء" هناك .. الاجانب الخونة ضحكوا عليهم وساقهوم حاجة أصفرا وخلهوم مغيبين
في التحرير ، شرذمة وقلة مندسة ويهود
في اللتحرير، عندك إمكانية تبقى ليدر وتاخد 50,٠٠٠ دولار بس اوعى يتعملك هكرس فتطلع على قناة المحورر مع سرحان ونفيسة قصدي سيد وهناء
لأ والإنقح والأنيل انهم ال إيه في المظاهرة بيغنوا؟! أهه مهم يهود وامريكان
وأما الأدان بيدن بيصلوا؟ اه مهما اخوان
وكمان بينضفو الميدان ؟ مهمة اجانب يا جماعة في اه؟
يا خبر أبيض ؟! ايه داة !
طه هنعمل اه؟
عرفين دة معناه اه؟
معناه إن رئيسي وحبيبي وأبي (على إعتبار إن أسمي سما محمد حسني مبارك) كان بيلعب في مراجيح مولد النبي وخد معاه عمر سليمان لأنهم سمحوا لكل الجنسيات د تتواجد في مصر والمؤامرات إلي بيعملوها علينا أمريكا وإسرائيل وإيران والعراق ولبنان وسورية واثيوبيا وبلاد الوقواق عملين ربطة ومؤامرة علينا و المخابرات بتاكل رز بلبن الفترة إلي فاتت .
د معناه إن عشان الجهات المسؤولة كانت بتفحت أحمد عز إبن الناس الكويسة بقانون من أين لك هذا ، سهي عليهم يسأل الاخوان جبتو منين فلوس تأكل وتعيشو اى 2 مليون واحد في التحرير
د معناه إن التلفزيون المصري عند معلومات مش موجودة عند المخابرات نفسها ومعلومات عمرك ماعرفت انها موجودة أصلاً :
ذي إن الاجانب شكلهم مش مصريين
أي أجنبي معاه باسبور
د معناه القلة المندسة د موضبين مع بعض انهم يمثلوا انهم ماتو وإضربوا بالمولوتوف
الله ؟! انتو نسيتوا كل الإنتخابات إلي فاتت ؟ مش كان بابا بيكسب بنسبة 99.٩٪ ؟ ما هي النسبة د شاملة الجمال والخيول إلي راحت تؤيد وتبايع لفترة سادسة في التحرير .... و- انتو بتقول عليهم بلطجية ؟
يا كفرا يا جاحدين ؟
لما تقولو على واحد اداكو حقوق وتقولو عليها مكاسب ... أما ترضو تعيشو تاني في ذل وتقولوا تعالو اضربنا على أفانا تاني بس احمونا من بطشكو ، أما تبيع دم 300 شهيد عشان رغيف عيش
أما تصدق واحد بيكدب عليك ل-30 سنة وتديلوا "فرصة" أخيرة .. أما تنظر لرئيس الجمهورية على أن أبوك رغم إن أبوك أشرف منو ألف مرة رغم إن الرئيس دة موظف عندك بمرتب ... أما الخوف يبقى هو إلي بيحركك
يبقا أنا ألم شنطة هدومي وأجري عل التحرير .. فلتحيا القلة المندسة !
اااه اه نظام قانون الطواريء يابو الكباتين معلش؟
No comments:
Post a Comment