كفاية تنطيط بقى

أنت  مخترتش دينك 

ولا اسمك 

ولا جنسك 

ولا وطنك

ولا أهلك

 كفاية تنطيط بقى

نوستالجيا

النوستالجيا حالة طبيعية جدا بالنسبالي في الفترة دي وان بستعد خلال أيام احتفل إن سنة فاتت من حياتي وسنه جاية .

كنت بفتكر إن من كمية الاحداث اللي بتحصل إن ذاكرتي هتضعف أو إن فيه حاجه  هتسقط سهوا أو عن عمد 

ومحصلش .. وكل مدي بقيت بـفتكر اكتر واحن أكتر وزي ما وجع القلب موجود , الفرحه موجوده .

الماضي بالنسبالي مقدس بحلوه ومره .. عمري مااتمنيت إني اغيره أو حتي اعدل أي تفصيله منه وفي نفس الوقت بحنله من بعيد لبعيد .. أنا مش عايزة يتكرر  تاني 

اسمحلي احن لك بهدوء ومن بعيد لبعيد :)

كلام غريب

آخر مرة اشوفه قالي كلام غريب :

" لو مش عارفه تبقي حره , على الاقل اختاري القيود اللي علي مزاجك ... لو مش عارفة تختاري القيود , اختاري السجن بنفسك , اختاري سجانك ... كل الطرق دي هترجعك ألف خطوة لورا , وهتخليكي لسة مش حره بس على الاقل هتبقي جربتي حق الاختيار مرة .. وحلاوه التجربه هتخليكي تحاربي القيد والسجن والسجان عشان تختاري تاني وثالث ورابع "

اسئلتي ليه كانت دايما غريبة بس كان بيعرف يجاوبها ...

سألته:

"ليه ؟ إنت مش شايفني حره ؟" 

سكت ومردش 

قلت  له : 

" بس إنت قلتلي أحلى حاجة بتحبها فيَّ هي حريتي "

سكت ومردش 

الاجابة مكنتش مهمه خلاص 

مش مهمه أبدًا .....

أيام ديسمبرية

تشرب آخر بق من فنجان القهوة الصباحي ومعاها اخر نفس لسجارة .. تطفي السجارة وكأنك بتدفن نفسك وتفتح الجورنال. الجورنال  الورقي فقد قيمته في عصور ما بعد الحداثه بس القراءة من الورق لا تفقد قيمتها أبدًا .

الفطار مش مهم , المهم هو الموسيقى اللي بتملا سكون البيت

تفاصيل صغيره في كل حاجة في اليوم .. الشاور الصباحي  مختلف النهارده .. المايه بارده جدا بس إنت عايش في حالة وجدانية مختلفة لدرجة إنك فقدت إحساسك بدرجة الحرارة زي مافقدت إحساسك بالقهوة والسجارة والجورنال الصبح .. زي مانسيت نوع الموسيقى اللي كانت مالية سكون البيت .

التفاصيل موجودة في عقارب الساعة اللي مش عايزة تمشي أو تتحرك وكأن عقارب الساعة اتحالفت كلها عشان تسقطك في فخ النسيان أو بتحاول .

الجو بارد جدا .. شيء مش مهم لكائن شتوي زيك .. نفسك تمطر؟ مين مش بيحب المطره؟ بس مش هتمطر.... الشمس ظاهره على استحياء من ورا السحاب وكأنها بتحاول تقول أنا حقيقة وانا واقع وانا شيء موجود حتى لو مش ظاهر .

الوقت بيمر ببطء والموسيقى اللي مالية البيت كانت لفيروز .. صداع غريب وشعور عميق بالرغبة في الحزن بس النهاردة مفيش وقت لكل ده .

مراسم الاستعداد اتاخرت13 يوم ... مفيش وقت لأي احاسيس إنها تاخرني زيادة عن كده .

و يهل علينا ديسمبر من تاني متوج بخمس سنين من ذكريات ممكن العقل ينسي التفاصيل بس القلب لأ .. ذكريات محملة بسعادة لدرجه وجع القلب ... ويفضل ديسمبر هو الشهر المفضل .

Mufasa died !!

17 years are the number of years that separate me from the first time I watched Lion king. The night I watched the cartoon movie via a " video tape", was the night that I kept crying for the first time in my life for a movie. I remember that I hugged the tape while I was sleeping as I was afraid to lose it.

I remember that I used to watch the movie every Thursday when I came back from school. I hurry to my room , change my clothes and run to my mother to get me the tape.

After 17 years my young sister was begging me to watch the same movie, but as we are now in the 21st century and the video tapes extincted long ago, we went to the cinema and watched the movie in 3-D screwing every childish memory I used to have about Simba and Mufasa.

My tears rolled once more when Mufasa died yet I had nothing to hug when I was back home.

The strange thing was that my sister kept talking about the movie's effects and the greatness of colors composure while I was talking about the development of the emotional life of Simba.

PS: This blogpost is endorsing my reasons to hate Disney .. Thank you for ruining a childhood memory :(

Between Brackets music choice for this post :

حق اللجوء اليك

لا يهمني

لا يهمني ... ان نتشارك تفاصيل حياة مملة مدعمه بفكرة ضرورة مشاعية الأسرار بيننا

لا يهمني ان أكون الوحيدة في حياتك بقدر ما اعلم إنك لا يهمك ان تكون الوحيد في حياتي

لا يهمني ان نتبادل كلمات الحب الخالية من المعاني لمجرد ايهام انفسنا ان هذا هو ما يثبت حبنا

 لا يهمني ان نتحدث يوميا أو ان اراك يوميا 

فقط مااسعى اليه وما اريده هو حق وحيد لا اتنازل عنه حق 

قد اتنازل عن حقوق كثيرا طواعية ولا اتنازل عنه لانه من مكتسباتي منك ومن واجباتك تجاهي

حقي ان تكون موجود حيمنا أريدك .. 

حقي ان تسمعني عندما أكون في حاجة إلى ذلك ..

 حقي ان أأتي اليك محمله بالهموم فتساعدني كي أزيحها بعيدا 

 أنه حق اللجوء اليك...

Between Brackets music choices for this post :

الصمت يجعلنا قريبين جدا من الموت

عزيزي الكائن , 

من بعد الاشواق والسلامات ,

الكثير من الصمت مفيد للنفس .. لحظات تجلي وتأمل وتفكير 

اعشق الصمت بمقدار كراهيتي له .. أؤمن به بنفس مقدار كفري به 

اعشق الصمت لانه يأتيني دون استئذان ومعه لا استطيع الهروب من مواجهة نفسي .. يهجم عليَّ ويقوم بإجباري على خوض معركة مواجهة  نفسي  .

أكرهه جدا لانه يأتيني دون استئذان ومعه لا استطيع الهروب من مواجهة نفسي وخوض المعركة التي غالبا مااخرج منها خاسرة في كل الاحوال لانها معركة نفسي ضد نفسي.

أؤمن بالصمت لانه معناه الصوم عن الكلام .. الصوم عن القدرة على الكذب والصراخ والضجيج ولفت الإنتباه .. نولد ونحن نصرخ ونموت ومن حولنا يصرخون إنها اللذه الإنسانية  لجذب الانتباه .. جميعنا يكره التهميش.

اكفر بالصمت لانه يجعل حياتي خاوية  تدور حول تأملاتي ومعاركي مع نفسي .. اكره الصمت لأني أؤمن بان لكل شئ صوت وضجيج من نوع خاص .

عزيزي الكائن ,

كما تري إني لا استطيع ان الصمت والصمت ليس صمتا عن الكلام المنطوق فقط 

سأصمت قليلا ثم سأتكلم مرة أخري للابد 

Between Brackets Music Choice for this post :

أن نكتب يعني أن نهجر معسكر القتلة.

الصراحة كثير من الأحيان أستغرب نفسي ... لا أعتبر نفسي كاتبة وعلى الرغم من ذلك اكتب و أكتب وأكتب .. أكتب على اوراق كتبي وعلى حوائط الغرفة . أحيانا يكون كلام ذو معني وأحيانا كلام لا يمت للعقل بصله . لكن مايحيرني هو شعوري بعد الكتابة . اشعر براحة شديدة إلا انه سرعان ما أهرع إلى مسح كل ماكتبته من على الاوراق والحوائط وحتى الكمبيوترات وكأني في سباق مع الزمن كي لا يراه أحد أو بمعنى اصح كي لا أقرأه أنا ثانية

اليوم .. قررت أنا أكتب ولا امسح أكتب وأكتب وأكتب لا يهمني من سيقراء ولا يهمني ماذا سأكتب , الكلمات العشوائية المتدفقة هي الاصدق حتى لو بدون معاني

وقد قررت ان أكتب أكثر عن عالمي الصغير والكبير وعن عوالم لا اعرفها أصلا وساكتب عن الاشياء التي احبها والاشياء التي اكرهها وعني وعنه وعننا وعنهما

وساكتب عن دنقل وكافكا كثيرا و عن شاهين وعن لينون وعن اشخاص لم يروني ولكن اعرفهم وعن اشخاص لم اراهم ولكن يعرفوني

اليوم فقط أكتب

Between Brackets music choice for this post :