آخر مرة اشوفه قالي كلام غريب :
" لو مش عارفه تبقي حره , على الاقل اختاري القيود اللي علي مزاجك ... لو مش عارفة تختاري القيود , اختاري السجن بنفسك , اختاري سجانك ... كل الطرق دي هترجعك ألف خطوة لورا , وهتخليكي لسة مش حره بس على الاقل هتبقي جربتي حق الاختيار مرة .. وحلاوه التجربه هتخليكي تحاربي القيد والسجن والسجان عشان تختاري تاني وثالث ورابع "
اسئلتي ليه كانت دايما غريبة بس كان بيعرف يجاوبها ...
سألته:
"ليه ؟ إنت مش شايفني حره ؟"
سكت ومردش
قلت له :
" بس إنت قلتلي أحلى حاجة بتحبها فيَّ هي حريتي "
سكت ومردش
الاجابة مكنتش مهمه خلاص
مش مهمه أبدًا .....
مش مهمه أبدًا .....
No comments:
Post a Comment